बालुवा खेल

क्रियाकलाप विधि

बालबालिकालाई बालुवा भएको स्थानमा लैजाने । बालुवालाई सुरक्षित स्थानमा बाहिर फराकिलो भाँडामा राख्ने । बालुवा चालेर मसिनो बनाउने । पानी छर्केर बालुवालाई चिसो वा ओसिलो बनाउने । अब रङ्गीन ढुङ्गाहरू वा लप्सीका दाना, कदमका दानाहरू बालुवाभित्र लुकाउने । बालबालिकालाई लुकाएका ढुङ्गा खोज्न लगाउने । कसले कतिओटा भेटाए गन्न लगाउने । यसै गरी विभिन्न आकारका भाँडाहरूमा बालुवा भर्न, सार्न लगाउने । यो क्रियाकलाप गर्नुअगाडि खेल खेल्ने तरिकाको बारेमा राम्रोसँग बताउनु पर्दछ ।