चित्रात्मक समयतालिका

क्रियाकलाप विधि

कार्डबोर्डमा बालबालिकाले गर्नुपर्ने कार्यको विस्तृतीकरण गरी चित्र बनाउने । यस सामग्रीलाई बालबालिकाले देख्ने गरी जे कार्य गर्ने हो त्यसै स्थानमा राख्ने, जस्तै:- खाना खाने बेलामा गरिने कार्यहरू भए खाना खाने स्थानमा झुण्ड्याउने । शिक्षकले चित्र देखाउँदै अब के गर्ने भन्ने । बालबालिकाले बुझ्ने गरी साङ्केतिक भाषामा र शब्दमा भनिदिने, जस्तै:- चित्रमा हात धुन लाइनमा उभिने, हात धुने, त्यसपछि तोकिएको स्थानमा बसेर खानेजस्ता कार्यहरूलाई पटकपटक दोहोर्‍याएर भन्ने । चित्रात्मक समयतालिका घरमा पनि प्रयोग गर्न सकिन्छ ।