सामान खन्याउने, सार्ने

क्रियाकलाप विधि

बालबालिकालाई एउटा कचौरामा सुख्खा गेडागुडीहरू राखेर दिने । अर्को कचौरा वा बराबरको अर्को भाँडामा खन्याउन लगाउने । यसरी खन्याउँदा हातका २ वा ३ औंलाले मात्र समाएर खन्याउन लगाउने । यसै गरी चम्चा दिने र एकबाट अर्को भाँडामा खन्याउन भन्ने । क्रमशः चिम्टाले खन्याउन वा सार्न लगाउने । एउटाबाट बराबरका दुइटा भाँडामा सार्न लगाउने, एउटाबाट साना र ठूला भाँडामा सार्न लगाउने । यसै गरी पानी वा अन्य वस्तु पनि एउटा भाँडाबाट अर्को भाँडामा खन्याउन वा सार्न लगाउने । दृष्टिसम्बन्धी अपाङ्गता भएका बालबालिकालाई छामेर सार्न लगाउने । चम्चा वा हातले नसक्नेले मुख वा कुहिनाको सहयोग लिन सक्नेछन् ।