चाडबाड मनाउने

क्रियाकलाप विधि

यो क्रियाकलाप चाडपर्व पर्ने समयमा नै बालबालिकासँग चाडपर्व मनाएर गराउन सकिन्छ । यसरी मनाउँदा, कुन चाड मनाइने हो सोबारे बताउनु पर्दछ । बालबालिकालाई विभिन्न चाडबाड झल्कने पहिरन लगाइदिने तथा त्यस दिन खाने खानेकुराहरू बनाएर खाने वा खुवाउन सकिनेछ । यसै गरी चाडपर्वसँग सम्बन्धित नाचगान गर्ने, गीत गाउन लगाउने गर्नु पर्दछ । उक्त चाड झल्कने कार्डहरू बनाउने, चित्र बनाएर रङ्ग भर्न लगाउने गर्न सकिन्छ । दृष्टिसम्बन्धी अपाङ्गता भएका बालबालिकालाई चाडबाडमा लगाउने लुगा तथा परिकारको बारेमा सरल तरिकाले बताउने ।