बास्ना पत्ता लगाउने

क्रियाकलाप विधि

सम्पूर्ण बास्नायुक्त सुँघ्ने सामग्रीहरू तयार गरेर बट्टामा राख्ने वा मलमलको कपडामा पोको पार्ने । बालबालिकालाई पालैपालो बास्ना सुँघ्न लगाउने । सहजकर्ताले सुँघ्दै वस्तुको नामसहित देखाउँदै, भन्दै जाने । प्रत्येक बालबालिकालाई फरकफरक सामग्रीहरू एकएक गरी सुँघ्न लगाई नाम भन्न लगाउने । बालबालिकाको आँखामा पट्टी बाँधी वा आँखा बन्द गर्न लगाई विभिन्न बास्ना आउने वस्तुहरू सुँघ्न लगाई नाम भन्न लगाउने । यो दृष्टिसम्बन्धी अपाङ्गता र विकासात्मक अपाङ्गता भएका बालबालिकाका लागि उपयुक्त क्रियाकलाप हो । सावधानी – वस्तु सुघाउँदा कडा बास्ना आउने वस्तु र धेरै नजिकबाट बालबालिकालाई सुँघ्न दिनु हुँदैन ।