विभिन्न बनावटका (texture) कपडाका टुक्राहरूको जोडा मिलाउने खेल

क्रियाकलाप विधि

कार्डबोर्डका टुक्राहरूमा विभिन्न बनावटका कपडाहरू, अर्थात् नरमपछि कडा, कडापछि नरम कपडा एकएक गर्दै टाँस्ने टाँस्ने (स्थानअनुसार स्थानीय सामग्री प्रयोग गर्न सकिन्छ, जस्तै:- कपास, स्पन्जका टुक्राहरू, ढुङ्गा, काठका टुक्राहरू) । दृष्टिसम्बन्धी अपाङ्गता भएका बालबालिकालाई विभिन्न बनावटका सम्पूर्ण कपडाका टुक्राहरूलाई एकएक गर्दै खस्रो, नरम भन्दै छाम्न दिने । कपडाका बनावटलाई एकएक टुक्रा गरी पालैपालो राम्रोसँग (पटकपटक) स्पर्श गरी बनावटको नाम भन्न लगाउने । बालबालिकाको आँखामा पट्टी लगाएर वा आँखा बन्द गरी स्पर्श गरेर (छामेर) प्रत्येक बनावटको नाम भन्न लगाई जोडा मिलाउन लगाउने । यो खेल खेलाउनुअगाडि खेल विधिको बारेमा राम्रोसँग बताउनुपर्छ । यस क्रियाकलापलाई आँखा छोपेर, तथा एकल वा समूहमा पनि गराउन सकिन्छ ।