समुदायको अवलोकन भ्रमण (Community visit)

क्रियाकलाप विधि

बालबालिकालाई सहज हुने गरी विद्यालयको वरपरको स्थानमा सावधानीपूर्वक अवलोकन गराउनका लागि तयार गराउने । बाहिरी अवलोकनका लागि चाहिने थप सहयोगी / कर्मचारी पनि सँगै लैजाने । सकेसम्म सरल र सम्झन सक्ने बाटो प्रयोग गरी वरपर रहेका सङ्घ, संस्था, मठ-मन्दिरहरू देखाउँदै घुमाउने । यसै गरी बगैंचा, पार्क वा अन्य स्थानमा पनि लैजाने । आवश्यकताअनुसार यस क्रियाकलापमा अभिभावकलाई पनि सहभागी गराउन सकिन्छ । दृष्टिसम्बन्धी र सुनाइसम्बन्धी अपाङ्गता भएका बालबालिकालाई बोलेर तथा सङ्केत वा साङ्केतिक भाषाको माध्यमबाट स्थानको बारेमा बताउने ।