चित्रको नाम भन्ने

क्रियाकलाप विधि

बालबालिकालाई गोलो घेरामा राखी ६ ओटा इम्बोस्ड गरेका चित्रपत्ती र नामपत्तीको परिचय दिने । चित्रसँग सम्बन्धित छलफल गर्ने र गराउने । चित्रपत्ती र नामपत्ती राखेर प्रदर्शन गरेर देखाउने । बालबालिकालाई चित्रपत्तीहरू क्रमिकरूपमा बायाँदेखि दायाँ राख्न लगाउने । चित्रपत्तीसँग सम्बन्धित नामपत्तीहरू चित्रपत्तीको मुनि नाम उच्चारण गर्दै राख्न लगाउने । यो क्रियाकलाप सबै बालबालिकालाई पालैपालो गर्न लगाउने । दृष्टिसम्बन्धी अपाङ्गता भएका बालबालिकाका लागि आवश्यकताअनुसार क्रियाकलाप दोहोर्‍याउने । सङ्केत प्रयोग गरी चित्र र शब्दको जोडा मिलाउन लगाउने ।